(chup ho ja) - 2 amiron ke ye sone ki ghadi hai
tere liye rone ko bahut umr padi hai
chup ho ja

rona garibon ke liye qaumi taraana
mat ro ki meri jaan yah hai raag puraana
ab gul na macha dekh vo pulis khadi hai
tere liye rone ko

amma teri jannat mein hai aur jel mein abba
chaacha to tere pahale se hi gol hai dabba
dekh raha hai na
qismat teri mein likha hai chuun-chuun ka murabba
kya kuub nazar raahu-ketu ki padi hai
tere liye rone ko

jab duudh nahin kaam anguuthe se chala le
kud apana lahu chuus ke bhuukh mita le aa tu bhuukh mita le
kahate hain jise sabr are chiz badi hai
tere liye rone ko

maange se to koyi tera adhikaar na dega
dushman ko koyi kushi se talavaar na dega
lena hai jo duniya se use chhin ke le-le
narmi se to kaudi yah sansaar na dega
himmat se utha le yahaan jo chiz padi hai
yah tota yah pistaul kaagaz ki ghadi hai
yah jamuna ke tat shyaam sang raadha khadi hai dekho
sach yah hai ki taqadir se tadabir badi hai
tere liye rone ko