(main gaaoon tu chup ho ja
main jaagoon re tu so ja) - 2

dharati ki kaaya soyee
ambar ki maaya soyee
jhil-mil taaron ke neeche
sapanon ki chhaaya soyee
main dhoondhoon
ho main dhoondhoon re tu kho ja
main jaagoon re tu so ja

jaane hawaai kahaan khoi
saagar ki bhi laharen soyee
duniya ka sab dukhda bhar ke - 2
teri do ankhiyaan re kyun royee
aansoon ke
ho aansoon ke shabanam dho jaa
main jaagoon re tu so ja

aansoon tere mujh ko de de
badale men meri hansi le le
tera to man sukh se khele
mera hriday tera dukh jhele
naye beej
naye beej khushi ke bo ja
main jaagoon re tu so ja
main gaaoon tu chup ho ja
main jaagoon re tu so ja

Posted by: p u r n i m a