na tel aur na baati na kaabu hava par
diye kyon jalaaye chala ja raha hai

ujaalon ko tere siyaahi ne ghera
nigal jaayega roshani ko andhera
chiragon ki lau par dhuaan cha raha hai
diye kyon jalaaye chala ja raha hai
na tel aur

na de dosh bhagavaan ko bhole bhaale
khushi ki tamanna mein gam tuune paale
tu apane kiye ki saza pa raha hai
diye kyon jalaaye chala ja raha hai
na tel aur

tere bhuul par kal yah duniya hansegi
nishaani har ik daag banakar rahegi
tu bharane ki khaatir mita ja raha hai
diye kyon jalaaye chala ja raha hai
na tel aur