danke ki chot par kahata huun main
sunate jaao ji laala
sachche ka hai bolabaala jagat mein
jhuuthe ka hai muunh kaala

badi badi dinge jo haank rahe the
unake hothon pe lag gaya taala
kal tak diwaali manaate the jo
dekho nikala hai unaka diwaala
aji sachche ka hai bolabaala

chhip chhip ke chhuriyaan chalaane waalo
kab tak manaaoge khair
ishwar ki duniya mein der hai bhaiya
lekin nahin andher
dusaron ke liye mat khodo kuwa
kisi ka bhi isase bhala na hua
are ham sab ke upar jo maalik khada hai
wo hai hazaar haathawaala
aji sachche ka hai bolabaala

jit na sakega koi ab hamase baazi
miyaan bibi raaji to kya karega kaazi
chullu bhar paani mein duub maro bhaiya
kahata hai ye gaadiwaala
chhote chhote baadalo, tum kya chhupaaoge
chanda ka ujiyaala
aji sachche ka hai bolabaala