tum jab se jivan mein kushabu ki tarah chhaaye
kab jaane rain gayi kab din dhal jaaye

main huun vahi tum ho vahi mausam hai vahi
bikhari huyi phuulon par shabanam hai vahi
phir kyon puraani aaj kahaani lagati hai nayi
jab se naye matalab ye jine ke samajh paaye
kab jaane rain gayi kab din dhal jaaye

kaun si ye manzil hai kaisa hai safar
itani hasin pahale nahin lagati thi dagar
in raahon pe aao basa lein sapanon ka nagar
jab se mujhe pyaar bhare is mod pe tum laaye
kab jaane rain gayi kab din dhal jaaye

tumane chhuwa mujhape huwa jaane kya asar
anadekhi uthane lagi man mein ik lahar
kyon na ye lamhein milake chun lein ham-tum jhuumakar
jab se tere git mere in honthon par aaye
kab jaane rain gayi kab din dhal jaaye