jaane vaale tera khuda haafiz 
aaj mera salaam leta ja 
mere dil ka payaam leta ja 
jaane vaale tera khuda haafiz ... 

main teri kaak hoon mere raahi 
mujhako bhi saath saath aane de 
iltaja hai ki raah mein apani 
aaj palaken bichhaane de 
mujhase utana to kaam leta ja 
jaane vaale tera kuda haafiz ... 

alvida jaan-e-aarazu tujhako 
gam ke maare salaam kahate hain 
ye lute ghar, ye pyaar ki galiyaan 
ye nazaare salaam kahate hain 
yaadgaaren tamaam leta ja 
jaane vaale tera khuda haafiz ... 

saans jab tak hai mere seene mein 
main tera intazaar kar luungi 
khush rahe tu ye hai dua meri 
main to gam se bhi pyaar kar luungi 
pyaar ka tu bhi naam leta ja 
jaane vaale tera khuda haafiz ...