maine dil se kahaa -2, ai deevaane bataa
maine dil se kahaa, ai deevaane bataa
jab se koi milaa, tu hai khoyaa huaa
ye kahaani hai kyaa, hai ye kyaa silsilaa, ai deevaane bataa
maine dil se kahaa, ai deevaane bataa

dhaDkanoN mein chhupi, kaisi aavaaz hai
kaisaa ye geet hai kaisaa ye saaz hai
kaisi ye baat hai, kaisaa ye raaz hai, ai deevaane bataa

mere dil ne kahaa -2, jab se koi milaa
chaaNd taare fizaa, phool bhaNvre havaa
ye hasin vaadiyaaN, neelaa ye aasmaaN
sab hai jaise nayaa, mere dil ne kahaa

maine dil se kahaa, mujhko ye to bataa
jo hai tujhko milaa, usmein kyaa baat hai
kyaa hai jaadoogari, kaun hai vo pari, ai deevaane bataa

mere dil ne kahaa
naa vo koi pari, naa koi maahjabin
naa vo duniyaaN mein sabse hai zyaadaa hasin
seedhi saadhi si hai, bholi bhaali si hai
lekin usmein adaa ik niraali si hai
uske bin meraa jeenaa hi bekaar hai

maine dil se kahaa
baat itni si hai ki tujhe pyaar hai 
mere dil ne kahaa mujhko iqaraar hai
haaN mujhe pyaar hai -4