hans hans ke haseenon se nazar chaar kiye ja 
jo bhi kare pyaar use pyaar kiye ja  -2 

(ye zulf ye abaru ye lachakati hui baanhen 
bijali si giraati hui khaamosh nigaahen)  -2 
hai taaqat-e-deedaar to deedaar kiye ja 
hans hanns ke ... 

(laazim hai muhabbat mein lagaavat bhi ada bhi 
ulfat mein mile kuch to tadapane ka maza bhee)  -2 
iqaraar kiye ja kabhi inkaar kiye ja 
hans hanns ke ... 

har ek ada husn ki aankhon mein basa le 
seene mein zara ishq ka toofaan jaga le 
soyi hui taqadeer ko bedaar kiye ja 
hans hanns ke ...