mere khayaalon ki rahaguzar se vo dekhie vo guzar rahe hain 
meri nigaahon ke aasamaan se zameen-e-dil par utar rahe hain 

ye kaise mumakin hai hamanasheeno ki dil ko dil ki kabar na pahunche 
unhen bhi ham yaad aate honge ki jin ko ham yaad kar rahe hain 

tumhaare hi dam qadam se thi jin ki maut aur zindagi abaarat 
bichhad ke tum se vo naamuraad ab na ji rahe hain na mar rahe hain 

isi mohabbat ki roz-o-shab ham sunaaya karate the daastaanen 
isi mohabbat ka naam lete hue bhi ham aaj dar rahe hain 

chale hain thode hi door tak bas vo saath mere saleem phir bhi 
ye baat main kaise bhool jaaoon ki ham kabhi hamasafar rahe hain